Pa rama gorah truz war an garrak luz,
Po war an vidhan laz, po war an vor,
po war an dreath eu golhez gen an moer,
mi or tel era vi a saval
kenz leb rig saval liaz aral,
hag arta sir vedn guil andelha.
An stynner, ev auedh,
a pallaz der an doar,
ky vova an kenza
diougel na el boaz
dho voza an dyuetha
vedn tedna anal enna.
Na huath an err,
kodhez doar adhor an ebbarn,
kan, glan, ilin ytava,
ha guelaz i lanuthder pa rama,
yeinder an mena a transformia
leb era vi a kerraz,
serten eu dro vi an kenza,
try vedham an dyuetha,
rag skon pyb vollan a vedh kellez,
tedhez dho vez, trailiez do dhour,
ha gyndzha kenefra ol ez gureez
gennam war i enap flour.
